Eibarko Udalak, Udako Euskal Unibertsitatearen laguntzarekin, euskarazko ikerketa sustatzeko eta Juan San Martin eibartar euskalari eta ikertzailea omentzeko, honen izena duen ikerketa-bekarako deia egiten du.

Ikerketa esparruak Juan San Martinek bere bizitzan zehar landutako honako hauek dira:

Antropologia, linguistika, filologia, toponimia, filosofia, literatura, botanika, artea, historia, kazetaritza, etnologia, mendizaletasuna eta zuzenbidea.

2013ko deialdian, honako ikerketa esparrua sartuko da: Kazetaritza.

Liburutegiak martxan daukan irakurketa klubean Harkaitz Canoren El filo de la hierba liburua irakurtzen ari dira hile honetan.

Irakurketa honi dagokion saioa osatzeko, idazlea bera etorriko da liburuari buruz hitz egitera eta bai klubeko partaideek bai saio honetan interesatuta dagoen edozeinek dauzkan galderei erantzutera.

Maiatzaren 9an izango da, arratsaldeko 7etan, bertan Liburutegian.

Liburutegiak martxan daukan irakurketa klubean Karmele Jaioren Las manos de mi madre liburua irakurtzen ari dira hile honetan.

Irakurketa honi dagokion saioa osatzeko, idazlea bera etorriko da liburuari buruz hitz egitera eta bai klubeko partaideek bai saio honetan interesatuta dagoen edozeinek dauzkan galderei erantzutera.

Otsailaren 14an izango da, arratsaldeko 7etan, bertan Liburutegian.

Eibarko Juan San Martin Liburutegiak parte hartzen du Eusko Jaurlaritzako Liburu eta Liburutegi Zerbitzuak bideratzen duen “Liburutegiak topaleku” izeneko kanpainan.

Aurten honako jarduera hau garatuko da: “Munduko paisaiak”. Txinari buruzko monografikoa prestatu dugu Eibarren, hain zuzen ere, irakurketa gida bat eta gaiaren inguruko hainbat jarduera.

Hori guztia honako asmo honekin egin dugu: hangoak diren pertsonek beraien kultura eta ohiturak zeintzuk diren ezagutaraztea eta hemengoak garenoi haiek ezagutzeko aukera ematea.

Txina herrialdea aukeratzerakoan, Txinatik adoptatutako eibartar umeak eta beraien familiak izan ditugu gogoan ere. Pentsatzen dugu interesgarria izango zaiela han lagatako kultura zein den jakitea.

Antolatutako jarduerak honako hauek izango dira:

• Azaroaren 7tik 29ra Txinari buruzko interesgunea: liburuak, DVDak eta CDak.
• Azaroak 11, 17:30. Ipuin kontalari saioa. Txinako ipuin eta kondairak. Umeen Liburutegia
• Azaroak 18, 17:30. Kaligrafia eta papiroflexia tailerrak. Umeen Liburutegia
• Azaroak 18, 18:30. Adopzioari buruzko hitzaldia; informazioa, esperientziak, etab. Umeen Liburutegia

Ekintza guztien dinamizatzailea ANICHI (Gipuzkoako Adopzio Familien Elkartea) da.

Aitor Azurkik, Maizales bajo la lluvia liburuaren egileak, Gerra Zibilean parte hartu behar izan zuten hamaika pertsonen testigantzak ekartzen dizkigu orrialde hauetara.

Liburutegian bertan egongo da ostegun honetan, uztailak 7, arratsaldeko 7etan. Lekuko hauen artean eibartarrak diren Ignacio Gaspar Álvarez Lucio eta Paco Barreña Elícegui (2010ean hil zena) ere badaude

Click here to view the embedded video.

II. Errepublikaren aldarrikapenaren 80. urteurrena izan zela eta, hainbat ekitaldi antolatu zituen Eibarko Udalak

Horien artean Jesús Gutiérrez Arosak Eibarko historialariak apirilaren 13an eman zuen hitzaldia ekarri dugu orain hona, hurbildu ezin izan zineten guztiek irakurri dezazuen

Bertan, garai hartan Eibarren zegoen hezkuntza sistemari buruz hitz egin zuen, eta orduan zeuden liburutegiak ere aipatu zituen

Open publication – Free publishing – More ii errepublika

Pincha en la imagen para consultar el programa de las Jornadas de Teatro en Eibar

Klikatu irudian Antzerki Jaurdinaldiaren programa ikusteko.

Olentzero eta Erregeen Kabalgataren inguruan Eibarren antolatu ziren ekitaldien argazkiak ikusi nahi badituzu, hemen duzu aukera.