Euskadiko liburutegi publikoek, tolerantzia eta kultur integrazioa sustatzen dituen programa jarri dute abian: “Liburutegiak topaleku”.

Baliabideak, materialak eta informazioa, “Liburutegiak eta kulturaniztasuna” taldeak lantzen ditu, Eusko Jaurlaritzako Liburutegi Zerbitzuak koordinatuta. Talde horretako partaide garenez, Hernaniko Liburutegiarekin batera gida bat prestatu dugu Gure hizkuntzak ikasteko aukera… Liburutegian izenburupean.

Gida honen helburua honako hau da: atzerritarrek beste aukera bat izatea gure hizkuntzak ikasteko, Euskaltegiek, Hizkuntza Eskola Ofizialek eta Helduen Hezkuntzako ikastetxeek eskaintzen dietenaz gain, edota zentro horietan jasotzen duten materialaren osagarri izatea.

Gida 5 ataletan sailkatu dugu: hiztegiak, elkarrizketarako gidak, gure hizkuntzak ikasteko metodoak, irakurgai mailakatuak eta haur eta gazteentzako metodoak.

Materialek badute bere berezitasuna: beste hizkuntza batzuetan daudela idatzita (urduz, txineraz, arabieraz, woloferaz…) eta horrela gaztelera edo euskara ikasteko erreztasun gehiago ematen diote atzerritarrari.

Gida honen materialak ikusgai daude Liburutegian hile honetan eta maileguan har daitezke bazkide karnetarekin.

Irailaren 21ean Munduko Alzheimerraren eguna ospatzen da. Ospakizun honen helburua gaixotasuna ezagutzera eman eta gaiari buruzko informazioa zabaltzea da.

Liburutegian interesgunea jarriko dugu ditugun materialekin osatuta.

Astebete egongo da ikusgai, baina edozein momentutan maileguan hartu ahal da aukeratutako liburua edo pelikula.

Hona hemen aukeratutako tituloak. Bakoitzean sakatuz informazio gehiago lortu ahal duzue.

Eta gehiago jakiteko, begiratu atari hau, seguru zerbait interesgarria topatzen duzuela eta.

Datorren larunbatean, martxoak 17, Loren eta landareen ferixaren 2. edizioa izango dugu Urkizuko parkean.

Askotan landareak edo lorak erosten ditugu, baina gero ximeldu egiten zaizkigu ez dakigulako noiz bota behar den ura, zenbat behar duen, non kokatu, etab.

Hori saihesteko, Liburutegian interesgune bat jarri dugu lorezaintzari buruz ditugun hainbat libururekin. Liburu hauetan lorei eta landarei buruzko informazio ugari jaso ahal dugu, baita gure balkoian edo terrazan ortu bat ipintzeko aholkuak ere.

Zatoz bertara eta aukeratu interesatzen zaizuna. Urkizuko taberna eta dendetan horretarako prestatu dugun foiletoa bananduko dugu. Ferixa osatzen duten 10 postuetan ere eskuragai egongo da

Gogoratu liburuak etxera eraman ahal direla maileguan, eta horretarako doan den karneta egitea besterik ez dago

Nobedadeak edo liburuak gaika aurkezteko modu berri bat topatu dugu: Pinterest

Momentuz, euskarazko nobela berriekin hasi gara baina gehiago ere egingo ditugu aurrerantzean

Liburu bakoitzean sartuz gero eta loturan sakatu eta gero, liburutegien sareko katalogora sartzen zara, eta han ikusi ahal duzu ea liburua libre dagoen mailegurako edo erreserbatu behar duzun

Espero dugu zuen interesekoa izatea

Hauek dira Emakumeen Nazioarteko Eguna ospatzeko Liburutegiak antolatu dituen ekintzak:

ENPLEGU TAILERRA EMAKUMEENTZAKO.

Lehenengo tailerra burutu da dagoeneko. Bigarrena, martxoaren 27an izango da, KZgunean. Ez dira plaza libreak gelditzen.

Tailer hau KZgunearekin elkarlanean egin dugu eta bertan honako gai hauek landuko dira: Lanbide, Infojobs, curriculuma eta elkarrizketa prestatzeko orientabideak, etab.

LITERATURAKO NOBEL SARIDUN EMAKUMEAK: INTERESGUNEA

1901ean lehenengo Literatura Nobel Saria eman zenetik, bakarrik hamabi emakumek jaso dute sari garrantzitsu hau; azkena, Herta Müllerrek.

Benetan balantze pobrea, kontutan hartzen bada talentuz beteriko zenbat eta zenbat emakume dauden literaturaren historian.

Liburutegiak omenalditxo bat egingo die, beraien liburuak apaletatik atera eta ikusgai jarrita hile honetan interesgune batean.

Martxoaren 8tik 31ra egongo da Liburutegian, eta bertako liburuak etxera eraman ahal izango dira maileguan

Eibarko Juan San Martin Liburutegiak parte hartzen du Eusko Jaurlaritzako Liburu eta Liburutegi Zerbitzuak bideratzen duen “Liburutegiak topaleku” izeneko kanpainan.

Aurten honako jarduera hau garatuko da: “Munduko paisaiak”. Txinari buruzko monografikoa prestatu dugu Eibarren, hain zuzen ere, irakurketa gida bat eta gaiaren inguruko hainbat jarduera.

Hori guztia honako asmo honekin egin dugu: hangoak diren pertsonek beraien kultura eta ohiturak zeintzuk diren ezagutaraztea eta hemengoak garenoi haiek ezagutzeko aukera ematea.

Txina herrialdea aukeratzerakoan, Txinatik adoptatutako eibartar umeak eta beraien familiak izan ditugu gogoan ere. Pentsatzen dugu interesgarria izango zaiela han lagatako kultura zein den jakitea.

Antolatutako jarduerak honako hauek izango dira:

• Azaroaren 7tik 29ra Txinari buruzko interesgunea: liburuak, DVDak eta CDak.
• Azaroak 11, 17:30. Ipuin kontalari saioa. Txinako ipuin eta kondairak. Umeen Liburutegia
• Azaroak 18, 17:30. Kaligrafia eta papiroflexia tailerrak. Umeen Liburutegia
• Azaroak 18, 18:30. Adopzioari buruzko hitzaldia; informazioa, esperientziak, etab. Umeen Liburutegia

Ekintza guztien dinamizatzailea ANICHI (Gipuzkoako Adopzio Familien Elkartea) da.

Gaur Alzheimerraren Nazioarteko Eguna dela eta, Liburutegian interesgune bat jarri dugu hainbat
libururekin

Hona hemen gaiari buruzko titulo batzuk:

• Asociación de Familiares de Enfermos de Alzheimer y Demencia Senil de Álava. Enfermedad de Alzheimer y demencias afines: necesidades detectadas. Vitoria-Gasteiz : Eusko Jaurlaritzaren Argitalpen Zerbitzu Naguia = Servicio Central de Publicaciones del Gobierno Vasco, 1999
• Ochoa, Elena. La enfermedad de Alzheimer. Madrid : Aguilar, D.L. 1996
• Shenk, David. El Alzheimer. Madrid : Espasa Calpe, [2002]
• Busmayor, Carmen. Desde el Alzheimer: un relato testimonial. Madrid : Instituto de Mayores y Servicios Sociales, 2005
• Bernlef. Entre brumas. Barcelona : Plataforma Editorial, 2010
• Slachevsky, Andrea … [et al.]. Alzheimer y otras demencias. Tafalla : Txalaparta, 2009
• Gillies, Andrea. Las amapolas del olvido: un hogar, tres generaciones y un viaje hacia el Alzhéimer. Madrid : Temas de Hoy, 2011
• Lizaso Elgarresta, Izarne; Aizpurua Sanz, Alaitz (Koord.). Alzheimer motako dementzia: zer da eta zer egin?. Bilbo : Udako Euskal Unibertsitatea, 2010

Hemen dituzue maiatzako liburu berrien aukeraketa bat. Gehiago ikustea nahi baduzue, gogoratu “Nobedadeak” orrialdean (blogaren goikaldean) sakatuz, hile honetan sartzen den guztia ikusi ahal duzuela

Open publication – Free publishing – More gida

Pasadan urtean euskeraz argitaratu ziren helduen liburuen gida aurkezten dizuegu. Bertan fikziozko zein ez-fikziozko lanak aurkituko dituzue.
Liburutegien sare osorako asmoarekin, Leioako udal liburutegiak eginiko zerrenda bait duzu hau (hori dela eta, bertan aipatutako libururen bat zure liburutegian bertan ez aurkitzea gerta liteke, baina lasai asko eskatu zenezake liburutegien arteko mailegu bidez)

Open publication – Free publishing – More gida

14 de abril de 1931. Proclamación de la república. Cambio de nombre de la Plaza Alfonso XIII, que pasó a llamarse Plaza de la República.

Open publication – Free publishing – More biblioteca