Armagintzaren Museoak “Made in Eibar” bere bildumarekin loturiko umeen tailer bat antolatu du Nazioarteko Museoen eguna ospatzeko.

Eibarren egindako produktuak abiapuntua izango dira ordu batzuetan umeak gauza berrien sortzaile bihurtzeko.Tailer honen helburuak Eibarko industria ezagutzea, Eibarren egindako hainbat eta hainbat produktu ezagutzea eta kreatibitatea piztea dira.

Tailerra 7 eta 10 urte bitarteko umeei zuzenduta dago eta bihar, maiatzak 18, izango da, arratsaldeko 5etan.

Bihar gainera sarrera bisitari guztientzat dohanik izango da 16:00etatik 20:00etara.

Aldrebeskeriak eta beste kontu batzuk
Zurrunka Antzerki taldea (Eñaut Gorbea)
Apirilak 27 abril, 18:00
Iraupena 50 min. duración
3-10 urte bitarteko haurrentzat. Eta noski, istorioak entzun eta bizitzeko prest dagoen edonori.
Para niños y niñas de 3 a 10 años. Y claro, para cualquier persona dispuesta a escuchar y vivir historias.

Oraingo honetan Eñaut Gorbea antzezlea, klown, txontxongilolaria eta ipuinkontalaria etorriko da Liburutegira ipuina kontatzera.

Bere lan aipagarrienak: YindeYan antzerki taldearekin “Vagamundi” antzezlana. Zurrunka antzerki taldearekin “Karakolaren gaua” klown emanaldia eta “Erraldoi bihotzgabea” haurrentzako txontxongilo saioa. Haurrekin urtetan jarduna, “Mikelatz ametsen planetan” txontxongilo istorioarekin eta haur eta gazteentzako ipuinkontaketa eta sormen tailerretan parte hartu du (Tziala taldea).

Oraingoan gure ipuinak aurkeztu nahi dizkizuegu. Ipuin berri eta ipuinzaharrak. Etxeko baratzean erein eta hazitako ipuinak, liburutegiko apaletan topatutakoak, amonaren oroimenean ahazten ez direnak, negu hotzeko egunak berotzen dituzten ipuinak, udaberriko ipuinkoloretsuak, ilargiak isladatzen dituenak, amesturiko ipuinak eta urrutiko herrietatik haizeak ekartzen dizkigunak.

Ipuin bat bidai luze bat delako, haurrak gurekin batera emozio, jolas, sormen eta abenturen mundutik ibilalditxo bat egitera gonbidatu nahi ditugu. Eta era berean irakurtzeko zaletasuna sustatu.

Nortasun baloreei humorezko begirada bat.

Datorren astean Hezkuntzaren aldeko munduko ekintza astea izango da. Egoaziarekin elkarlanean, tailer bat antolatu dugu Liburutegian kanpainarekin bat egiteko. Aurtengo leloa honako hau da: Irakaslerik gabe, eskolarik ez! Irakasle trebatu eta motibatuen alde.

Apirilaren 22tik 29ra kanpanairen materialak maileguan edo eskuratzeke jarriko ditugu Umeen Liburutegian.

Baina, horretaz aparte, tailer bat egingo dugu astelehenean, 17:30ean: Jarri zure irakaslea mapan.

Jarduera honen asmoa guztiontzako hezkuntza lortzeko falta den irakasle bat adieraztea da.

Etorri zaitez Liburutegira parte hartzera. Zure iritzia eta eskaera baliagarria da ere.

Liburutegiko bazkidea izan behar duzu joko honetan parte hartzeko. Apirilaren 2an, Haur eta Gazte Liburuaren Nazioarteko egunean, hasiko da eta ekainaren 16an bukatuko da. Parte hartzeko L.H.ko 2. mailan edo gehiago egon behar zara.

Liburu bat maileguan eskatzen duzunean, plantilla bat jasoko duzu puzlearen zatiak itsasten joateko. Bestalde, liburuari buruzko iritzia emateko fitxa bat ere jasoko duzu.

Liburua irakurri eta bueltatzen duzunean, fitxa beteta ekarri beharko duzu. Fitxa horiek Liburutegian jarriko dira, zuen iritziak edozeinek irakurtzeko aukera izan dezan.

Beno, ez ditugu argibide guztiak hemen emango. Etorri Liburutegira eta bertan azalduko dizuegu nola hartu parte. Benetan ondo pasatuko duzula.

Excursiones con niños por el País Vasco	Planes con niños los días de fiesta Nafarroa, Iparralde, Gipuzkoa, Araba, Bizkaia
50 rutas fáciles para niños y niñas montañeros	50 ibilaldi erraz haurrekin egiteko modukoak
Laura Guerrero Orpez, ¿Qué hacemos hoy?: Madrid en familia	Rosa Bonafont, Joan R. Berengueras, ¿Conoces Barcelona?
Guía de viajes para niños Roma, París, Londres	Grandes secretos para pequeños viajeros Londres, París, Nueva York, Roma

Eta eguraldia txarra bada, beste aukera batzuk ere baditugu. Adibidez, umeekin sukaldaritzan aritzeko liburuak, eskulanak egiteko ideiak, eta… zergatik ez? Irakurtzeko aukera ezin hobea!

Zapatu honetan ikusiko duzue nolakoak diren ipuin hauetako protagonistak: neska liderrak, panpinekin jolasten diren mutilak, printzesa arrosak izan nahi ez duten neskak, gerra gorroto duten mutil bakezaleak, printze arrosak, printze beldurtiak, herensugeak hiltzen dituzten neskak… Ene! Charles Perrault eta Grimm anaiek honelakoak sartu izan balituzte haien ipuinetan… ba, agian, orain ez genituzke genero estereotipoen kontrako ipuin ez-sexistarik sortu behar.

4-6 urte bitarteko haurrentzat.

Ez dakit zer iruditzen zaizuen, baina gustatuko litzaiguke orain kontatzera goazena zuek ere pentsatu duzuen inoizez.

Ipuinak irakurtzen zaudetenean konturatu zarete honetaz?

Protagonista gehienak mutilak dira: printzeak, zaldunak, espioiak, agente sekretuak, esploratzaileak, abenturazaleak, kazetariak, super-heroiak, doilorrak, bakeroak, indioak, gladiadoreak, soldaduak, jeneralak… Mutil aktiboak, dinamikoak, ausartak, beldurrik gabeak, bortitzak… munduan bete beharreko eginkizun bat eta, sarritan, beren lan heroikoaren sari gisa neska bat dutenak.

Aldiz, nesken paperak, oro har, bigarren mailakoak, osagarriak eta protagonista nagusiaren menpekoak edo desira objetuak dira: emaztegaiak, emazteak, maitaleak, amak, arrebak, idazkariak, laguntzaileak, etxekoandreak, neskameak, haurtzainak, esklabuak… batzuetan laguntza ematen dutenak, besteetan traba besterik ez direnak, beti bigarren maila batean. Emakume txukunak, garbiak, atseginak, otzanak, ameslariak, ederrak, gazteak… sarritan mutil baten zai daudenak edo eraman beharreko etxe bat dutenak.

Zuentzat prestatu dugun gida honetan ez da hori gertatuko. Bertan agertzen diren liburuen istorioetan egongo dira beste mota bateko neska eta mutilak. Irakurtzen badituzue ikusiko duzue. Etorri Liburutegira eta bertan konprobatu. Edo bestela disfrutatu irakurtzen etxeko giro lasaian.

Pottolok gaupasa egin du, Iban Izagirre
Berrikuntzak zirku ttipian, Iban Izagirre
Pako Fakirra, Xabier eta Martin Etxeberria
Nino Pailazoa, Eric Battut
Cuentos Pulga, Riki Blanco
Olivia salva el circo, Ian Falconer
Zirku Izugarria, Karlos Santiesteban

Pasa den urtean 15.438 material hartu zenuten maileguan. Hortik ia guztiak liburuak eta DVDak izan ziren, eta gutxiago CD-Romak, diskak eta aldizkariak. 2011n baino 1.246 mailegu gehiago egon ziren, eta hori oso ondo dago.

Eta, badakizue zeintzuk izan ziren liburu mailegatuenak?. Ba euskaraz, Pirritx, Porrotx eta Marimototsen Pirritx, Pupu eta lore eta Porrotx. Pailasoen fan ikaragarriak zarete, eh?

Gaztelaniaz, hauek izan ziren gehiago eraman zenituztenak: La cruda realidad, ¡Esto es el colmo! eta Días de perros, denak Diario de Greg bildumakoak.

Egindako jardueren artean, aipatzekoak dira Li(buru-hausgarriak) lehiaketa, Zapatuko ipuineko saioak, Txabi Arnalen irakurketa kluba… Ea aurten ere animatzen zareten antolatzen dugun jardueretan parte hartzen. Gogoratu momentu honetan irakurketa klubean plaza libreak daudela.

Miriam Mendoza
Orain dela urte asko…
Otsailak 23 febrero
18:00
Umeen Liburutegian | Biblioteca infantil

Bazen bein… urrutiko erresuma batean… landareak eta animaliak hitz egiten zekiten garai haietan…

Honelaxe hasiko dira gure ipuinak eta aiton-amonen istorioak gogoratuz mundu zoragarri batera murgilduko gara.