Lau egunez, bertoko bederatzi liburu-dendaren etxolak eta hainbat jarduera hartuko ditu Algortako Geltokia plazak.

Apirilaren 20tik 23ra izango den Liburu Azokak Bizkaia Zubiaren 120. urteurrena ospatuko du aurten. Getxoko udal liburutegiak antolatuta, salmenta etxolak hartuko ditu, baita hainbat jarduera ere. Azken horietako batzuk zubia izango dute ardatz nagusia. Azoka 11:00etatik 14:30era eta 17:00etatik 21:00etara egongo da zabalik, astelehenean eta asteartean izan ezik, egun horietan arratsaldez ordubete lehenago itxiko baita. Halaber, asteartean 10:00etan irekiko da.

Azokan, bisitariek liburuen, komikien eta haurrentzako ipuinen azken nobedadeak erosteko aukera izango dute. Gainera, jarduera anitz izango dira: heldu eta haurrentzako ipuin kontaketak, erakustaldiak, ikasle getxotarren jendaurreko irakurketa eta egileen sinatze-txandak, besteak beste.

Ohi denez, Kultur Etxearen liburutegiek beren gunea izango dute azokan. Horrela, irakurleei liburuak mailegatzeko aukera eskainiko zaie, eta etxera eraman ahal izango dituzte. Halaber, umeek eta gazteek komiki eta ipuin interesgarriak aurkituko dituzte bertan irakurri ahal izateko.

Jarduerei dagokienez, azoka osoan zehar haurrentzako eskulan tailerrak eta jolasak izango dira, eta bi erakusketa. Batean, Bizkaia Zubiaren argazkiak erakutsiko dira eta, bestean, monumentuaren 120. urteurrena dela eta izandako orri-markatzaileen lehiaketan aurkeztu diren lanak egongo dira ikusgai.

Azokaren egitaraua larunbatean, apirilak 20, hasiko da, 11:00etan, Kids&Us Getxo-ren “Around the World” ingelesezko ipuin-kontaketa saioaren eskutik. 12:00etatik 14:00etara gonbidatutako egileen sinatze-txanda izango da. Aurten, honako idazle hauek parte hartuko dute: Fernando García Pañeda, Fede Merino, Javier Moronatti, Guadalupe Oteo, Fernando de Oyarzo, Fredi Paia, Ramón Piñera, Iñaki Prieto, Luis Santamaría eta Manu Torres. Eguneko eskaintza 20:30ean amaituko da, Ernesto Aguirrek eskainiko duen “Cuentos en Fa sostenido” helduentzako ipuin kontaketa saioaren eskutik.

Biharamunean, igandean, “Cuentos y canciones del otro Algorta” ikuskizuna izango da 13:00etan. Horretan, Ramón Piñerak Uruguayko Rio Negro departamenduko Algorta herriaren inguruko pasadizoak kontatuko ditu. Arratsaldean, 18:30ean, “Ipuinetan islatzen” familia osoarentzako euskarazko ikuskizuna izango da, Iraide Urkiagaren eskutik.

Astelehenean, 22an, Azokako karpan “Escuelas de Zabala: 100 años de historia” liburua aurkeztuko du horren egileak, Beatriz Celayak, 19:00etan. Azkenean, asteartean, ikasleen jendaurreko irakurketa izango da. Aurten lau ikastetxetako 237 ikaslek parte hartuko dute bertan. Azkenik, azokaren egitaraua 18:00etan amaituko da Rosa Martínezen “Errekamari” txotxongilo ikuskizunaz.

Ekarguzu zure orri markatzailea Getxoko edozein liburutegitara, apirilaren 6a baino lehen.

Behean dituzu oinarri osoak

Datorren ostiralean, azaroak 23, Getxoko 11. Komiki Azoka abiatuko da eta, hiru egunez, biñetaren mundua gerturatuko du. 60 saltokiz osatutako gune komertzialaz gain, hainbat jarduera egongo bertan. Komikizaleek ezinbesteko topagune izango dute Azoka, ohi denez Areetako Geltokia plazako karpan kokatuko dena.
Aurten ere ospe handiko egileak egongo dira Getxon. Horiek guztiak hitzaldietan eta aurkezpenetan ariko dira eta hain arrakastatsuak diren sinatze-txandetan ere. Horrela, zaleek autorerik gustukoenak zuzen-zuzenean ezagutzeko aukera dute. Oraingo honetan, besteak beste, Eddie Campbell eskoziarraren mailako egileak egongo dira; nazioarte mailan ezaguna da Campbell, Alan Moore-ekin “From Hell” komiki ezagunean egindako lankidetzagatik. Bere azken lana aurkeztuko du Getxon: “Mi libro sobre el dinero”.
Miguelanxo Prado ere etorriko da Getxora, Europa mailako autore espainiar ezagunenetako bat; laster aurkeztuko du “Ardalén” bere lan berria. Haiekin batera, Alfonso Zapicok parte hartuko du, James Joyce idazlearen bizitzan oinarritutako “Dublinés” lanagatik Komikiaren Sari Nazionala jaso berri duen egilea. Aurrez sari hori bera jaso duten beste bi autore ere izango ditugu gure artean: Max eta Santiago Valenzuela. Horiez gain, Mauro Entrialgo, Marika, Teresa Valero, Hernán Migoya, Albert Monteys, Manuel Bartual, Javier Pulido, Javier de Isusi eta beste asko ere egongo dira azokan. Villamonteko Liburutegian erakusketa bat prestatu dugu egile hauen komikiekin, mailegu moduan eskuragarri. Sakatu hemen liburutegian jasotako komiki helduberriak ikusteko
Azokak urtero komiki munduko profesionalei egiten dien omenaldietako protagonistak Europako komiki argitaletxe garrantzitsuenetakoa den Norma Editorial eta Ondarroako Komiki Jardunaldiak bezalako ekimenen bitartez bineta mundua sustatzen urteak daramatzan Luterl Taldea izango dira.
Behean, programo osoa daukazu.

Afrikako iparraldean kokatuta, Mediterraneoko hegoaldeko itsasertzaren eta basamortuaren artean, Magrebeko sozietateek kultura-oinordetza handia eta askotarikoa batu dute, Aljeria, Libia, Maroko, Mauritania, Mendebaldeko Sahara eta Tunisiatik hedatzen dena.

Getxoko udal liburutegiek, “Munduko Paisaiak” programaren barruan, aniztasun sozial eta kultural hori gure herrikideei helarazi nahi diogu. Horretarako, irakurketa gida bat egin dugu eta jardunaldi hauek antolatu ditugu, ekintzaz beteta: anitzak, parte hartzekoak, interesgarriak, dibertigarriak… Bi astetan zehar, nork bere gustukoa den baten bat aurkitzea espero dugu.

Gida egiteko eta jarduerak antolatzeko, hauen laguntza izan dugu: udaletxeko Immigrazio zein Kooperazio arlokoena, Atfal, Schams, Casa Libia eta Lalla-Bouhia elkarteena, baita Festival Amal, Biltzen eta Eusko Jaurlaritzaren Liburutegi Zerbitzuarena. Mila esker horiei guztiei.
Programa osorik ikusi nahi baduzu, sakatu beheko irudian.

Gaur, Manuel Torres Goiri idazle getxoztarra aurkeztu nahi dizuegu. Egile horren bizitza eta lana oso lotua egon da betidanik itsasoari.

Nautika eta Itsasoko Garraioan lizentziaduna da, eta merkataritza-nabigazioko pilotua. 90eko hamarkadan lehorreratu eta Bilbon itsas lanetan sartu zen; hantxe jarraitzen du gaur egun.

San Nikolaseko liburutegian laster aurkeztuko dugun lana, Legado de mar izenekoa, bere lehendabiziko eleberria da, itsasoari eta abenturari buruzkoa. Merkantzia-ontziak eta bertako marinela benetan nolakoak diren erakusten du Algortako kapitan baten ikuspuntutik. Juventud argitaletxeak atera du, Nostromo bilduman.

Liburu hau marinelentzat, itsasozaleentzat eta, nola ez, Algortako iraganeko itsas jendearen bizitza nolakoa zen ezagutu nahi duen edozein algortarrentzat da.

Manuel Torres Goirik beste bi lan ditu itsasoko historiaren  gainekoak: Aproximación a la historia del salvamento de náufragos en el Puerto de Bilbao (3. argitalpenean dago jada) eta La compañía Marítima del Nervión: los hombres, la empresa y los barcos, Jesús María Valdalisorekin eta Eugenio Torresekin batera idatzia. Guztiak gure liburutegietan daude

Kokapen horietan guztietan, erabiltzaileek irakurketa anitzez gozatu ahal izango dute eta txikienek, haur-jokoez eta ipuin-kontaketa saioez. Halaber, familia osorako antzerki ikuskizunak izango dira. Terrazak astelehenetik ostiralera egongo dira zabalik honako ordutegi honetan: 11:30etik 13:30era eta 17:30etik 20:30era.

Guztira, 2.000 liburuz osatutako liburu-funtsa eskainiko dizkiete Terrazek erabiltzaileei. Horrela, udal liburutegien arduradunek hautatutako eleberriak, ipuinak, komikiak eta abar, izango dituzte eskura. Halaber, eguneko prentsa ere aurkitu ahal izango dituzte. Azken finean, udarako eta, bereziki haurrentzat aproposak diren irakurgaiak kaleratzea da ekimen honen helburu nagusia.

Halaber, Terrazak aisialdirako guneak dira eta bertan, haurrek irakurtzea eta beste hainbat jarduera uztar ditzakete egun osoan zehar, begiraleek gainbegiratuta.

Aurten ere, lehengo aldiz izango da ipuin-kontaketa ziklo bat. Guztira, sei saio egingo dira uztilaren 11n (Iturgitxi plaza), 18an (Sarri plaza) eta 25ean (Areetako Geltokia plaza). Abuztuan, 8an (Aldapa plaza), 22an (Gernika plaza) eta 29an (Algortako Geltokia plazan) izango dira ipuin-kontaketak.

Eusko Jaurlaritzak sustatutako “Haur Antzerkia Bultzatuz” kanpaina dela eta, kale antzezkizun zikloa ere egongo da Terrazetan publiko guztientzat. Uztailaren 2an Quiero teatro taldeak “Alí Babá y los 40 ladrones” (ipuin klasikoaren moldaketa) antzeztuko du Areetako Geltokia plazan. Abuztuaren 3an, “Orsai” antzerki eta zirko ikuskizunaz gozatu ahal izango da Malas Compañías taldearen eskutik eta, azkenik, abuztuaren 31n, Bihar Antzerkiak “Kli!, Kla!, Berzikla!” euskarazko antzezkizuna eskainiko du.

Click here to view the embedded video.

Argi-hizkiak Getxoko literatura-lehiaketa bat da, euskaraz. Testu laburrak idatzi beharko dira argazki batzuetan oinarrituta. Argazki, erretratu, potret edo fotografia hitzak erabiltzen ditugu euskaldunok grezieraren photos (argia) eta graphis (marrazkia, idazkera) hitzekin sortutako fotografia hitza adierazteko. “Argiarekin marraztea edo idaztea” da, beraz, fotografia hitzaren jatorrizko esanahia. Getxon horrelako lehiaketarik ez dagoela ikusita, antolatzaileok bi helburu lortu nahi ditugu: alde batetik, jendea euskaraz idaztera eta irakurtzera animatzea; eta, bestetik, Getxoko eta Uribe Kostako argazkilariak eta euren lana sustatzea eta zabaltzea.

Nortzuk gara antolatzaileak?

Egizu Getxo euskaldun elkartea, Uk aldizkaria, Getxophoto ekimena eta Getxoko Udala

Zeintzuk dira lehiaketaren ezaugarriak?

www.egizu.org/literatuta/argihizkiak

argi.hizkiak@gmail.com

619 935 541

Azokan, bisitariek liburuen, komikien eta haurrentzako ipuinen azken nobedadeak erosteko aukera izango dute. Halaber, jarduera anitz izango dira: ipuin kontaketak, tailerrak, film laburren proiekzioa, hitzaldia, ikasle getxotarren ohiko jendaurreko irakurketa eta egileen sinatze-saioak, besteak beste. Horiez gain, udal Immigrazio Arloaren eta Euskara Zerbitzuaren eskutik kultura anitzen kondairen eta mitoen inguruko postu bat egongo da.

Ohi denez, Kultur Etxeko liburutegiek beren gunea izango dute azokan. Horrela, irakurleei liburuak mailegatzeko aukera eskainiko zaie, eta etxera eraman ahal izango dituzte. Halaber, umeek eta gazteek komiki eta ipuin interesgarriak aurkituko dituzte bertan irakurri ahal izateko.
Beheko irudian, programa osoa kontsultatu ahal duzu:

Literatura, hitz egindakoa nahiz idatzitakoa, ezagutzarako tresna erabilgarria da. Hurbilen eta urrunen daukagun errealitateari buruzko informazio-iturri handia izateaz gainera, horri buruz hausnarketa egiteko aukera ematen du. Liburuen bidez, urruneko kulturetara hurbiltzen gara, eta gurekin esperientzia eta tradizio aldetik zerikusirik ez duten pertsonekin bizipenak konpartitzen ditugu.

Gida honen helburua, bada, egileen literatura lanen bidez Afrikako, Ekialde Ertaineko eta Asiako emakumeen errealitatea ezagutu dadin bultzatzea da. Liburu horiek, sarri, ezezagunak edo eskuratzeko sailak dira; baina ezagutzera emanez gero, herrialdeen eta kulturen artean hain beharrezkoa den esperientzien eta ezagutzen trukean lagun daiteke.

Gida doan banatuko da solasaldian; baina, ezin baduzu etorri eta gida interesatzen bazaizu, Villamonteko Liburutegian eskatu.

Noiz: otsailaren 24an

Ordua: 19:00etan

Non: Villamonteko Kultur Etxean (metro Algorta, Bolue irteera)