Gobela, San Nikolas, Villamonte
Berriak
Ikasteko leku eskaintza, maiatzaren 12tik uztailaren 8ra
May 10th
Azterketa garaia dela eta, liburutegiek ohiko ordutegia zabaldu egingo dute, beheko kartelean azaltzen den bezala; astelehenetik ostegunera arteko ohiko ordutegiaz aparte, Villamonte eta Gobela Helduak liburutegiek, larunbatetan eta igandeetan arratsaldez ere irekiko dute.
Kultur Etxeko gelei dagokienez: Romoko eta Villamonteko erabilera anitzeko gela batzuk prestatu dira horretarako asteburuetan; astegunetan, erabilgarritasunaren arabera baino ez.
Bestalde, ikasteko leku eskaintzarik zabalena, Romo Eskolan eta Caro Baroja Institutuan dago. Horietan, behar beste gela prestatuko dira, eskaeraren arabera. Ikastetxe horien ordutegia eta egutegia ere beheko kartelean dago.
Getxoko Liburu Azoka: zinearen mundua
Apr 18th
Ostiralean, apirilak 20, Liburu Azoka izango da Getxon berriro ere. Datorren astelehenera arte udal liburutegiek antolatutako ekimen horrek bertoko hamar liburu-dendaren etxolak eta hainbat jarduera, hartuko ditu. Azken horiek zinearen mundua izango dute ardatza aurten. Azokaren ordutegia 11:00etatik 14:00etara eta 17:00etatik 21:00etara izango da, ostiralean eta astelehenean izan ezik. 20an, arratsaldez soilik irekiko da; 23an, berriz, ordubete lehenago itxiko da arratsaldean.
Azokan, bisitariek liburuen, komikien eta haurrentzako ipuinen azken nobedadeak erosteko aukera izango dute. Halaber, jarduera anitz izango dira: ipuin kontaketak, tailerrak, film laburren proiekzioa, hitzaldia, ikasle getxotarren ohiko jendaurreko irakurketa eta egileen sinatze-saioak, besteak beste. Horiez gain, udal Immigrazio Arloaren eta Euskara Zerbitzuaren eskutik kultura anitzen kondairen eta mitoen inguruko postu bat egongo da.
Ohi denez, Kultur Etxeko liburutegiek beren gunea izango dute azokan. Horrela, irakurleei liburuak mailegatzeko aukera eskainiko zaie, eta etxera eraman ahal izango dituzte. Halaber, umeek eta gazteek komiki eta ipuin interesgarriak aurkituko dituzte bertan irakurri ahal izateko.
Beheko irudian, programa osoa kontsultatu ahal duzu:
Martxoak 21: Arrazakeriaren kontrako nazioarteko eguna
Mar 22nd
Getxoko Udalak, Getxoko Etorkinak Plataforma osatzen duten elkarteekin batera, eta CEAR Euskadi eta SOS Arrazakeria Bizkaia elkarteen parte-hartzearekin, aurten ere, martxoaren 21ean, Arraza Diskriminazioaren aurkako Nazioateko Eguna ospatuko du, honako lemapean: “ANIZTASUNAREN ALDE, DISKRIMINAZIOAREN AURKA”. Horretarako, hainbat ekitalde antolatu dituzte, haien artean “ZUBIAK 2012″: aniztasunaren aldeko, arrazakeriaren kontrako film laburren lehiaketa.
ZUBIAK, bere ibilbideko lehenengo urtean, kalitate handiko lanak jaso ditu, hainbat herrialdeetatik etorrita. Horietan, migrazioekin, asilo eta babesarekin, elakrbizitzarekin, legeekin, arrazakeriarekin eta indarkeria eta diskriminazioarekin lotutako gaiekin heltzen zaie.
Lehiaketarako hautatutako film laburren proiekzioak: astearte eta asteazkena, martxoak 27 eta 28, Kultur Etxean (Villamonte A-8, Algorta) 19:30-21:30 Film laburri hoberena bozkatuko da publikoaren saria erabakitzeko.
Sari-banaketa eta film labur irabazleen proiekzioa: Ostirala, martxoak 30, Andres Isasi Musika Eskolan (Las Mercedes 6, Areeta) 19:30-21:00, Sariak eta proiekzioak ; 21:30: EL HAVRE proiekzioa (zuzendaria, Aki Kaurismäki) (Prezio publikoa: 2,90 € ; proiekzioetara bertaratzen direnak: doaneko gonbidapena).
Gainera, gai horri buruzko zinema interesatzen bazaizu, Getxoko Liburutegiek egindako Gidan proposatzen ditugun film eta liburuak ikustera gonbidatzen zaitugu. Gida lotura honetan dago.
2011ko Txostena: liburutegiak zifratan
Mar 15th
2011 memoria honetan islatzen denez, iaz, beste behin, Getxoko Liburutegiek hazkunde sendoa erakutsi zuten, erabiltzaile-kopurua 200.000 pertsonatik gorakoa izan baitzen bere hiru egoitza finkoetan. Beraz, bazkide-kopuruaren marka hautsi egin dugu (guztira 25.000tik gorakoa, 2010. urtean baino 1.400 pertsona gehiagorekin). Maileguen kopurua ere handitu egin da, aurreko urtean baino 3.000 gehiago izanda, mailegatutako ia 108.000 alera iristeraino.
Urtean zehar gehien eskatu izan diren tituluak:
- El tiempo entre costuras (María Dueñas)
- El salón de la embajada Italiana (Elena Moreno)
- Los gritos del pasado (Camilla Läckberg)
- El vals lento de las tortugas (Katherine Pancol)
- La senda oscura (Asa Larsson)
- Crimen en directo (Camilla Läckberg)
Aurten 3 zerbitzu berriren abiaraztea azpimarratu beharra dago. Horiek, erabiltzaileen harrera ona izateaz gain, 2012an zehar fi nkatzen joango dira.
- Ipuinaren ordua
- Liburu elektronikoen mailegua
- Ordenagailu eramangarrien mailegua aretoan
Getxoko liburutegiek sare sozialetan daukaten presentzia ere nabarmendu nahi dugu. Hala, bi blog kudeatzen ditugu, orokorra bata (hau) eta Kontularien Klubaren ingurukoa bestea (http://clubdeloscuentistas.blogspot.com); Facebooken ere orrialdea daukagu, 159 jarraitzaile dituena (https://www.facebook.com/Getxo.Liburutegiak), baita Twitterren kontu bat ere (@bibgetxo) 97 jarraitzailerekin. Oraindik jarraitzaile gutxi diren arren, hasten ari den zerbitzua da eta, jarraitzaile-kopurua erritmo onean haziko delako ziurtasuna daukagu, bide horiei esker jende gehiagorengana helduko gara.
Ikasteko leku eskaintza, urtarrilaren 2tik 28ra
Dec 30th
LIBURUTEGIAK (urtarrilaren 9tik 22ra):
Gabon jaiak pasatu ondoren, liburutegi guztiel ohiko ordutegiarekin jarraituko dute: San Nikolas eta Gobela Helduak , astelehenetik ostiralerako etengabeko ordutegia (08:30 – 20:30), larunbatetan 9:15 – 13:00; eta Villamonte eta Gobela Haur Gazteak 8:30-14:30 eta 16:00- 20:30. Honezaz gain, Villamonte eta Gobela helduak liburutegiek larunbatetan ( 09:15 – 13:00) eta igandeetan ere (16:15 – 20:00) irekiko dute.
KULTUR ETXEKO GELAK (urtarrilaren 9tik 22ra):
Romo: Lope de Vega kaleko Kultur Etxean (antzinako Romoko liburutegian) erabiliera anitzeko gela batzuk prestatu dira. Bertan, ikasteko gela batzuk erabili ahal izango dituzue larunbatetan (09:00 – 13:00 eta 16:00 – 22:00) eta igandeetan arratsaldez (16:00 – 20:00)
Gainera, Villamonteko Kultur Etxeko gelak ikasteko erabili ahal izango dira, larunbatetan 9:15-13:00 eta 16:15-20:00, eta igandetan 16:15-20:00; baita astegunetan ere, ahal izanez gero.
IKASTETXEAK (urtarrilaren 2tik 28ra):
Ikasteko leku eskaintzarik zabalena, Romo Eskolan eta Caro Baroja Institutuan dago. Horietan, behar beste gela prestatuko dira, eskaeraren arabera. Ikastetxe horien ordutegia hauxe izango da: astelehenetik ostiralera, 17:00etatik 22:00atara; larunbatak eta igandeak, 09:00etatik 14:00etara eta 17:00etatik 22:00atara.
Kartela handituta ikusu nahi baduzu, egin klik gezien laukian, irudiaren beheko partean:
View more presentations from Getxokoliburutegiak.
Liburutegien Gabonetako ordutegia
Dec 23rd
Gabonak direla eta, Villamonte eta Gobelako Liburutegiok gure ohiko ordutegia aldatu egiten dugu.
Beraz, abenduaren 26tik urtarrilaren 4ra bitartean, liburutegi horien ordutegiak honako hauek izango dira:
Astelehenetik ostiralera:
09:15 – 13:00
16:15 – 20:00
San Nikolaseko liburutegian ohiko ordutegiarekin jarraituko dugu, aldaketarik gabe: 08:30-20:30
24, 25, 31, 1, 5, 6 eta 7an liburutegiak itxita egongo dira.
Gure ohiko ordutegia urtarrilaren 9an hasiko gara berriro liburutegi guztietan, baina asteburuetan ikasketa kanpaina dela eta, zabalagoa izango da.
Zerbitzu berria: ordenagailu eramangarrien mailegua (irakurgelan)
Nov 3rd
Erabiltzaileentzako Internet zerbitzua zabaltzeko asmoz, Getxoko Liburutegiek bi ordenagailu eramangarri ditugu liburutegi bakoitzean, egoitzan bertan mailegatzeko eta edozein irakurgelatan erabiltzeko.
Mailegua liburutegiaren erakusmahaian eskatzen da eta, eskaera ordenaren arabera, egunean batez beste hiru ordurako izango da; erabiltzaile bakoitzak astean gehienez 3 saiotan erabili ahal izango du zerbitzua. Egun edo ordu zehatz baterako ez dago erreserbatzerik, ezta liburutegiaren katalogoaren bidez ere, baina egun bereko itxaron-zerrendan izena ematerik bai.
Liburutegietan entzungailuak ere badauzkagu, nahi izanez gero, erabiltzaileek, filmak ikusi, musika entzun edo web orri soinudunak entzun ahal izateko, besteak molestatu gabe.
Zerbitzu honetaz baliatzeko, erabiltzaileak eguneratuta izan behar ditu maileguak, baita baieztapen arautegia sinatu ere. ARAUDI OSOA:
Kolonbiari buruzko jardunaldiak
Oct 14th
Urriaren 17ik 29ra Kolonbiari buruzko jardunaldiak izango dira Getxon. Ekimen hori Eusko Jaurlaritzako Liburutegi Zerbitzuaren “Liburutegiak, topaleku” programa barnean dago eta honako hauek ditu helburu nagusiak: hainbat udalerritan presentzia handia duten immigrante kolektiboen kultura zabaltzea eta azken hauei zenbait euskal udalerrietako liburutegi zerbitzuak ezagutzera ematea. Aurreko urteetan Bolibia eta Filipinak izan ziren jardunaldien ardatza eta aurten kultura kolonbiarra izango da erabateko protagonista. Getxoko udal liburutegien eta Immigrazio Arloaren eskutik hainbat jarduera izango dira jardunaldietan.
Hamahiru egunetan zehar, tailerrak, zine-forum saioak, erakusketa, hitzaldia, ipuin kontaketak eta dantzak izango dira, besteak beste. Jarduera horiek guztiak zenbait kolektibok bultzatuta daude, esaterako, Kolektiba Colombia, Justicia por Colombia Elkartea, Emigrad@s sin Fronteras, AHISLAMA eta ASOCOLVAS (Euskadiko Kolonbiarren Elkartea).
Aurtengo programa datorren astelehenean, urriak 17, hasiko da, “Amazonia: Tradizioa eta modernitatea” erakusketaren eskutik. Horren bidez jendea sentsibilizatu nahi dute antolatzaileek Amazonasen eskualdeko errealitatearen inguruan. Argazkiak eta Brasilen eta Kolonbiaren arteko mugan bizi den Ticuna herri indigenak eginiko eskulanak egongo dira ikusgai. Astelehenean ere “Volver a nacer” dokumentala proiektatuko da. Unión Patrióticaren historia aztertzen du filmak. Kolonbiako gobernuak eta FARC-ek 1984. urteko su-etena adostu ondoren agertu zen talde hori, gatazkari irtenbide baketsua emateko asmotan. Proiekzioa amaitu eta gero, foruma hasiko da ikusleak filmaren gaiaz mintza daitezen.
Asteazkenean, urriak 19, Iván Forero soziologo eta historialaria “Los desafíos para el desarrollo y la paz: Relaciones bilaterales España-Colombia” hitzaldia emango du. Horretan, Espainiaren eta Kolonbiaren arteko harremanen bilakaera historikoa aztertuko du, XV. mendean hasita egungo globalizazio testuinguru berrira arte.
Urriaren 26an, asteazkenean, zine-forumaren beste saio bat izango da. Horretan, “Los colores de la montaña” eskainiko da. Filmean, Kolonbiaren barneko konfliktoa gerturatzen zaio ikusleari, ume batzuen adiskidetasun istorioaz baliatuta. Biharamunean, 27an, haurrentzako ipuin kontaketa izango da Nelson Calderón kontalariaren eskutik: “Cuentos con sabor a guayaba”, hain zuzen ere. Horretan, gehienetan animaliak protagonista dituzten Kolonbiako eta Amerikako herri kontakizun laburrak izango dira nagusi.
28an, ostiralean, Kolonbiako mito eta kondairen tailerra izango da, María del Rosario Vásquez Sepúlvedaren eskutik, familia osoarentzat. Tailerrean herri irudimenetik sortutako istorio eta pertsonaiak aztertuko dira. Azkenik, urriaren 29an Jardunaldiek agur esango dute bi ekitaldirekin: batetik, helduentzako Kolonbiako gastronomia tailerrean eta, bestetik, Maguaré dantza taldeak eskainiko duen tradiziozko dantza ikuskizunean. Aipatutako jarduerez gain, eta Jardunaldiak direla eta, udal liburutegiek gida bat argitaratuko dute Kolonbiako egileak eta Kolonbiaren inguruko liburuak, filmeak eta diskoak biltzen dituena. Material hori guztia Villamonteko liburutegian eska daiteke maileguan hilabete osoan zehar.
(Egin klik irudian egitaraua ikusteko)
Ikasteko leku eskaintza
May 11th
Maitzaren 14tik uztailaren 3ra bitartean ordutegia zabaldu egingo da.
LIBURUTEGIAK:
San Nikolas eta Gobela Helduak liburutegiek, astelehenetik ostiralerako etengabeko ordutegiari eusteaz gain (08:30 – 20:30), larunbatetan ( 09:15 – 13:00) eta igandeetan ere (16:15 – 20:00) irekiko dute. Bestalde, Villamonte eta Gobela Haur Gazteak liburutegiek haien ohiko ordutegiarekin jarraituko dute.
KULTUR ETXEAK:
Romo: Santa Eugeniakoa itxi egin da eraikina eraisteko; horren ondorioz, Lope de Vega kaleko Kultur Etxean (antzinako Romoko liburutegian) erabiliera anitzeko gela batzuk prestatu dira. Bertan, ikasteko gela batzuk erabili ahal izango dituzue arratsaldez (16:00 – 21:00), larunbatetan (09:00 – 13:00 eta 16:00 – 22:00) eta igandeetan arratsaldez (16:00 – 20:00)
IKASTETXEAK:
Ikasteko leku eskaintzarik zabalena Juan Bautista Zabala Eskolan, Romo Eskolan eta Caro Baroja Institutuan dago. Horietan, behar beste gela prestatuko dira, eskaeraren arabera. Ikastetxe horien ordutegia hauxe izango da: astelehenetik ostiralera, 17:00etatik 22:00atara; larunbatak eta igandeak, 09:00etatik 14:00etara eta 17:00etatik 22:00atara. Hartu kontuan Zabala Eskolako ikasteko lekuak ezin izango direla erabili Hauteskundeen asteburuan (maiatzaren 20, 21 eta 22an).
Kartela handituta ikusu nahi baduzu, egin klik gezien laukian:
Aste Santuko ordutegia
Apr 13th
Apirilaren 15etik 30era bitartean, liburutegietako ordutegiak honako hauek izango direla gogorarazten dizugu:
Astelehenetik ostiralera, 9:15 – 13:00 eta 16:15- 20:00
Larunbatean, 9:15 – 13:00
Jaiegunetan, aldiz, hau da, apirilaren 21etik 25era bitartean, liburutegiak itxita egongo dira.
Barkatu eragozpenak.
2011 urte osoko egutegia, ordutegien aldaketekin eta jaiegunekin batera ikusi nahi baduzu, klikatu hemen
Te recordamos que entre los días 15 y 30 de abril de 2011, los horarios de las bibliotecas cambian, pasando a ser los siguientes:
De lunes a viernes, de 9:15 a 13:00 y de 16:15 a 20:00
Sábados, de 9:15 a 13:00
Además, los días de fiesta, es decir, del 21 al 25 de abril, las bibliotecas permanecerán cerradas.
Te pedimos disculpas por las molestias.
Si quieres ver el calendario de todo el año 2011, con los cambios de horario y las fiestas, haz click aquí
