Bibliotecas Getxo Liburutegiak
Gobela, San Nikolas, Villamonte
Zartzuela liburutegian
Jun 10th
Zartzuela, Espainiako musika-antzerki genero bat da, opereta espainiarra. Bi alditan garatu zen : Aldi Barrokoan (1650-1790) eta Aro Modernoan (1845-1965). Abestutako eta hitz egindako tarteak nahasten dira. Horretan datza bere berezitasuna. Gehienak gaztelaniaz idatzi ziren, baina batzuk baita katalanez ere. Espainiatik kanpo, Kuba eta Filipinetan izan zuen arrakasta handia zartzuelak.
Artxiboen arabera, uste da Lope de Vega eta Calderon de la Barca izan zirela zartzuelak idatzi zituzten lehenengoak. ” El Golfo de las sirenas ” (1657, Calderon de la Barca) izan zen lehenengo obra.
Gobelako liburutegian azken bolada honetan zartzuelari buruz hainbat bideo erosi ditugu. Zeintzuk diren jakin nahi baduzu klikatu hemen.
Liburu solidarioak Getxon
Jun 2nd
Gaur, ekainak 2, Bigarren Eskuko Liburu Azokaren 6. edizioa hasiko da. Ekimen hori, Getxoko Liburutegi Zerbitzuak antolatuta, hilaren 5era arte egongo da zabalik, Algortako Geltokia plazan. Ohi bezala, bildutako dirua hezkuntza proiektu batean erabiliko da. Aurten, Nikaraguara bideratuko da, Educación Sin Fronteras GKEren bitartez. Azokaren ordutegia honako hau izango da 11:00etatik 14:00etara eta 17:00etatik 21:00etara. Igandean, ekainak 5, goizez irekiko da soilik.
Horrela, lau egunean zehar, bisitariek hainbat gaitako liburuak erosteko aukera izango dute. Salmentan jarriko diren liburuak partikularrek liburutegiei emandakoak dira. Liburu guztiek prezio sinbolikoak izango dituzte, euro bat inguru.
Aurten, 17.000 bat liburu salduko dira, udal liburutegiei emandakoak. Horiek guztiak banan-banan aztertzen dira, liburutegien bildumari zeintzuk gehitu dakizkiokeen erabakitzeko.
Udal liburu-bildumara pasatzen ez diren hainbat liburu interesgarriak gerta daitezke publikoarentzat eta, hori dela eta, udal liburutegiek saltzea erabaki zuten. Horrela sortu zen Bigarren Eskuko Liburu Azoka.
Aurreko ekitaldian 13.000 bat liburu saldu ziren bertan eta onarpen zabala izan zuen ekimen hori.
“El corro de las niñas, el círculo de las mujeres”, Mari Cruz Garrido
May 23rd
LIBURU AURKEZPENA
Kultur Etxeko Liburutegiok oso liburu berezi baten aurkezpenera gonbidatzen zaituztegu:
“EL CORRO DE LAS NIÑAS, EL CÍRCULO DE LAS MUJERES: un repaso al juego del corro desde sus orígenes como elemento de la cultura femenina”
Lan hau ikerketa luze eta lan sakonaren ondorioa da. Lan honez bidez, emakumeek eta neskek kaleetan eta plazetan abesten zituzten abestiak herriko kantutegitik berreskuratu eta bildu ditu Mari Cruz Garridok, altxor hau galdu aurretik gordetzeko eta gogorarazteko asmoz.
Baina Mari Cruz Garridoren liburuaren ekarpenik onena zera da: analisi historikoa, antropologikoa, literarioa eta hausnarketa feminista argia. Liburu hau, ziur aski klasiko bihurtuko da gai horretan. Umore eta informazioz beteta dagoen liburu hau, idazleak berak aurkeztuko digu datorren ASTEARTEAN, HILAK 24, arratsaldeko 7etan, Villamonteko Kultur Etxean. Sarrera dohainik.
Ikasteko leku eskaintza
May 11th
Maitzaren 14tik uztailaren 3ra bitartean ordutegia zabaldu egingo da.
LIBURUTEGIAK:
San Nikolas eta Gobela Helduak liburutegiek, astelehenetik ostiralerako etengabeko ordutegiari eusteaz gain (08:30 – 20:30), larunbatetan ( 09:15 – 13:00) eta igandeetan ere (16:15 – 20:00) irekiko dute. Bestalde, Villamonte eta Gobela Haur Gazteak liburutegiek haien ohiko ordutegiarekin jarraituko dute.
KULTUR ETXEAK:
Romo: Santa Eugeniakoa itxi egin da eraikina eraisteko; horren ondorioz, Lope de Vega kaleko Kultur Etxean (antzinako Romoko liburutegian) erabiliera anitzeko gela batzuk prestatu dira. Bertan, ikasteko gela batzuk erabili ahal izango dituzue arratsaldez (16:00 – 21:00), larunbatetan (09:00 – 13:00 eta 16:00 – 22:00) eta igandeetan arratsaldez (16:00 – 20:00)
IKASTETXEAK:
Ikasteko leku eskaintzarik zabalena Juan Bautista Zabala Eskolan, Romo Eskolan eta Caro Baroja Institutuan dago. Horietan, behar beste gela prestatuko dira, eskaeraren arabera. Ikastetxe horien ordutegia hauxe izango da: astelehenetik ostiralera, 17:00etatik 22:00atara; larunbatak eta igandeak, 09:00etatik 14:00etara eta 17:00etatik 22:00atara. Hartu kontuan Zabala Eskolako ikasteko lekuak ezin izango direla erabili Hauteskundeen asteburuan (maiatzaren 20, 21 eta 22an).
Kartela handituta ikusu nahi baduzu, egin klik gezien laukian:
Poltsikoan eramatekoak
May 4th
Liburu elektronikora berandu heldu zarela edo orririk pasatu gabe irakurtzea gauza bera ez dela uste dutenetarikoa bazara, Ediciones B-k ateratako “Librinos” bilduma agian gustukoa izango duzu.
Benetako patrikako liburuak dira, edonora eramatekoak; pisu gutxikoak eta leku gutxi hartzen dute. Metrorako edo autobuserako, hondartzara eramateko, edozein momentutan irakurtzeko aproposenak dira.
Formatua horizontala da, letra ez da oso txikia, eta, oraindik aukeratzeko ale gutxi egon arren, ziur aski bilduma, poliki-poliki, handitzen joango da.
Getxoko Liburutegietan librinoak erosi ditugu, ea irakurleei zer iruditzen zaizkien. Oro har, jende orok abantailak nabarmentzen ditu. Ikusteke dago zelan zaharkitzen diren…
Eleberri eta pelikulen bilaketa jeneroaren arabera
May 2nd
Ezagutzen al dituzue gure generoen ikonoak? Getxoko Liburutegietan eranskailu txikiak erabiltzen ditugu horretarako; gure aburuz genero jakin batekoak diren pelikula edota liburuetan eranskailuak jartzen ditugu, bizkarraren goiko partean. Eranskailuetan agertzen diren irudiek argi adierazten dute generoa: robot bat zientzia-fikzioa irudikatzeko, bihotz bat eleberri eta pelikula erromantiko-sentimentalerako, txalupatxo bat bidaia-liburuetarako… Eta, gainera, irudia bilatu behar ez izateko (agian, betaurrekoak ez dituzu liburutegira ekarri), irudi bakoitza kolore ezberdin batez koloreztatuta dago; horrela, zure interesekoa den kolorea bilatuta, nahi duzuna aurkituko duzu.
Liburu edo pelikula guztiek daramate halako eranskailurik. Pelikulei dagokienez, “drama” edo “komedia” izenekoek ez dute hori adierazten, oso termino orokorrak direlako; hala ere, beste eranskailu bat eraman dezakete (bihotzarena “komedia erromantikoa” izeneko pelikuletan, adibidez). Eleberri edo ipuinei dagokienez, genero zehatz bati ez dagokionean, ez dute eranskailurik eramaten.
Beraz, badakizu: genero zehatz bateko pelikulak ikusi edo liburuak irakurri nahi badituzu, erraz daukazu: bilatu ikonoa eta… apalategietan barrena ibili!
Eta ez ahaztu: generoaren araberako bilaketak gure OPACen ere egin ahal dituzu (OPAC liburutegietako katalogoa kontsultatzeko web orria da), generoaren izena idatzita dagokion laukian.
Aste Santuko ordutegia
Apr 13th
Apirilaren 15etik 30era bitartean, liburutegietako ordutegiak honako hauek izango direla gogorarazten dizugu:
Astelehenetik ostiralera, 9:15 – 13:00 eta 16:15- 20:00
Larunbatean, 9:15 – 13:00
Jaiegunetan, aldiz, hau da, apirilaren 21etik 25era bitartean, liburutegiak itxita egongo dira.
Barkatu eragozpenak.
2011 urte osoko egutegia, ordutegien aldaketekin eta jaiegunekin batera ikusi nahi baduzu, klikatu hemen
Te recordamos que entre los días 15 y 30 de abril de 2011, los horarios de las bibliotecas cambian, pasando a ser los siguientes:
De lunes a viernes, de 9:15 a 13:00 y de 16:15 a 20:00
Sábados, de 9:15 a 13:00
Además, los días de fiesta, es decir, del 21 al 25 de abril, las bibliotecas permanecerán cerradas.
Te pedimos disculpas por las molestias.
Si quieres ver el calendario de todo el año 2011, con los cambios de horario y las fiestas, haz click aquí
Diva Xarmangarriak
Apr 7th
Verdi-ren “La Traviata”n Anna Netrebko sopranoa kantari
Vienako Staatsoper Anna Bolenaren munduko estreinaldiaren agertokia izan da. Sarrerak salgai jarri ziren egunean bukatu ziren, eta birsalmentan 1.000 eurotan ere ordaindu ziren (huskeria otsailean bertako Balleta ikusteko palko batek balio zuenarekin konparatua, 17.000 euro).
Baina, egia esateko, ez da harritzekoa, protagonista nor zen kontuan izanik. Forbes aldizkariaren arabera, gaur egun, soprano hau eragin handikoa da opera munduan, eta duen ospea, gainera, zabaldu egin da aurreko agerraldiaren ondoren. Hurreratze bat proposatzen dizuegu Netrebko-ren lanera Verdi-ren musikaren bitartez (edo alderantziz).
Beste proposamen bat “Don´t give up” Ainhoa Arteta kantariaren eskutik
Eta honen azken lana aukeratu dugu, ohikoa ez duen beste erregistro bat aurkezten duelako. Puristek kritikatu ohi dituzte interprete lirikoen saiakerak “pop” munduan. Guk zeuok baloratzea nahi dugu. Biblioteketan materialak eskaintzen ditugu bera hainbat generotan entzuteko: Villamonten badago, besteak beste, aria-sorta ederra (Puccini, Leoncavallo), eta Gobelako mediatekan azken CDa, Peter Gabriel-en, Louis Amstrong-en eta Sabina-ren kantak, esaterako, interpretatzen dituena.
Eta konparazioak gorrotagarriak badira ere, eta ospetsuen artean areago, METen izandako arrakasta kontuan hartuz, ziur gaude Ainhoak, bere edertasun fisikoarekin eta ahots-tinbrearekin, arrakasta lortuko duela apirilaren 9an Euskalduna Jauregian, “Eugene Onegin” operan, Tatianaren interpretazioarekin.
Denok jakitun gara tolosarrak pasatu zuen krisialdiaz, zeren ahotsik gabe geratu zen bi urtetan, eta horrek guztiz kezkatu zituen bere jarraitzaleak.
Baina “fenix” hegaztiaren antzera, berragertu egin zen, eta, gainera, bere ahotsa hobetuta. Haren ahotsak bilakaera izan du eta ederragotu egin da. “Spinto” bihurtu ote? Erakutsiko al digu hizkuntzaren (errusiarra) eta estilo lirikoaren zailtasuna tonu mediterraneoarekin bateratzeko gai dela?.
Anna Netrebko-ren arrakastak mundu osoan izan du oihartuzuna; gipuzkoarraren kasuan errepikatzea espero dugu, bestela, beti geratuko zaigu Puccini, haren esparru pribatua.
Nola aldatu den Geltokia plaza!
Mar 31st
Martxoaren 31tik apirilaren 3ra bitartean, azken hamarkadetan Algortako Geltokiko plaza nola aldatu den irudietan ikusteko aukera izango duzu.
Plaza berean, eta Kultur Etxeko Liburutegiek antolatzen duten Liburu Azokako ekintzen artean, 70 argazki inguruk Algortako kalea gogorarazten digute, ia autorik ere ez zegoenekoa edota lagunen eta lagun-taldeen bilgunea zenekoa. Geltoki zaharraren irudiak ere ikus daitezke, kantinarenak, gaur egun existitzen ez diren dendenak, metroa eraikitzeko lanenak, eta Algorta Ikastetxeko ikasleenak (zuzendariaren izenez ezaguna zen Don Pablo Akademiako ikasleenak).
Argazki hauek guztiak hementxe bertan ikus ditzakezu, baina datak, pertsonene izena eta beste datu batzuk plazaren irudietan soilik ikusi ahal izango dituzu.
Argazkiren baten kopia lortu nahi baduzu, bidali e-maila San Nikolaseko Liburutegira sannikolas.liburutegia@getxo.net,
